教囝囝主动打招唿 林子聪出街好家教
日前下午三点，林子聪同老婆及囝囝林奕滔喺筲箕湾东大街出没，原来林太唔舒服，肥仔聪带埋囝囝陪老婆去睇中医，因为由等到睇到等执药搞足一粒钟，囝囝唔多耐烦，好彩老窦够耐性，又抱又同佢玩，仲教佢同记者哥哥挥手打招唿，好家教啊。
因为囝囝太黐佢，加上之前成日喺内地开工，所以一返到香港，囝囝就常伴肥仔聪左右，日抱夜抱加上唔识用力，肥仔聪家阵拥有一对「爸爸手」，无得搞㗎嘞。
爸爸唔易做
当日，抱住囝囝嘅肥仔聪同老婆去睇中医，问番佢有咩病，肥仔聪话老婆伤风感冒，而佢哋一家又睇开中医，食苦药好过食西药。因为睇中医需时，肥仔聪负责照顾囝囝，抱佢啦，同佢玩啦，餵佢食嘢啦，仲教佢同记者打招唿，因为等得几耐，肥仔聪不时行出街食烟同覆电话，前后搞足个几钟终于走得。
採访:梁志明
